Погода в Глазове Вся погода на gismeteo.ru
Завтра Вечером
Ясно
-3..-5
Ветер:ЮВ, 5 м/с
Завтра Ночью
Ясно
-6..-8
Ветер:ЮВ, 5 м/с
Утром
Ясно
-7..-9
Ветер:ЮВ, 4 м/с
Днем
Ясно
3..5
Ветер:ЮВ, 3 м/с

Шумпотонлэн коркаез

Ярысь 1 номеро нылпи садлэн аслаз тусыз. Отчы вуылэмъёс пусъё, сыӵе чебер азбарез нокытысь но ӧз на адӟылэ шуыса. Садын ужасьёс «Нылпи сад – шумпотонлэн коркаез» проектсэс улонэ пыӵатӥзы. Азбарын куать площадка лэсьтэмын: «Выжыкыл дорын куноын», «Нюлэскын», «Юртъер котыр», «Спортъя площадка», «Шудон площадка». Нош азьланяз автогородок но парковой зона кылдытыны малпало на. Ваньзэ сое мумы-айыос но ужбергатӥсьёс лэсьтыны юртто. Юрт 80 адямилы чакламын, али 4 группае 77 пинал ветлэ.

Данъян книгае пыртэмын

«Удмурт кенеш» огазеяськонлэн "Пичи кенешез" ортчиз. Со улсын «Удмурт кенешлэн» Данъян книгаяз выль нимъёсты гожтӥзы. Со вить дано нимтулъёсын узырмиз. Отчы пыризы Геннадий Корепанов - культура удысысь дано ужась, Юрий Перевозчиков - «Удмурт кенешлэн» Шаркан ёросысь ёзэныз азьвыл кивалтӥсь, Елена Смирнова - Алнаш ёросысь дышетӥсь, Геннадий Шубин - «Удмурт кенешлэн» Вавож ёросысь ёзэзлэн тӧроез но Наталья Перевощикова - Можгаысь «Ингур» ансамбльлэн кивалтӥсез.

Вожвылъясько устоосыз

Ижкарын Кыкетӥ Калыккуспо Парадельфи шудонъёс кутскизы (6+). Усьтон ужрадэ Удмуртиысь цирке 1 сюрс 900 адями люкаськиз. Фестиваль 18-тӥ шуркынмонозь кыстӥськоз. Ужрадэ пӧртэм ласянь сӧсыр муртъёс пырисько: адӟисьтэмъёс, кылӥсьтэмъёс, суй-пыдзыя, лулсэр висёнъёсъя ӧлексыос. Соос тямыс номинациын вожвылъясько: крезьгур искусство, суредаськон искусство, журналистика, театр искусство, чеберлыко кыл, выросъёсын кырӟан, оригинальной жанр но эктон искусство.

Выль кенэз быръёзы

Дэри ёросын устозэ выль кенэз быръёзы. Егит семьяос пӧлын «Выль кен» ньылетӥез ёрос вожвылъяськонэ 18-35 аресъем бызем нылкышноос пыриськыны быгато. Выль кенъёслы валтӥсь курон – удмурт кылын вераськыны быгатон. Нылкышноос вить эскерон пыр ортчозы. Соос пӧлын - туспуктэмъёс но видео пыр асэнызы но семьяенызы тодматон, творчествоя номер, удмурт кырӟанэз тодман, киужъёссэс адӟытон но куно пумитаны быгатонлыксэс возьматон.

Уже – удмурт дӥсен

Удмуртиын 29-тӥ коньывуонысен 4-тӥ шуркынмонозь удмурт лулчеберетъя нуналъёс ортчозы (0+). Дэбесъёс Удмурт калык дӥськутлы сӥзем арня радъяны чаклало. Ёросысь культурая но туризмъя «Сибыр тракт» центрын тыршисьёс ӵекто улосчиоссылы арня ӵоже уж дуразы удмурт дӥсен, яке удмурт чеберъянэн ветлыны. Озьы ик фото лэсьтыса интыяны мерлыко сайтъёсысь бамъёсы. Тужгес но аспӧртэмлыкоосыз туспуктэмъёс понна кузьымъёс дасямын.
О статье/сервисы
Дата: 24 Январь 2013
Автор: Елена Пономарева.
Просмотров: 526

Юкаменсклэн одӥгез марӟанэз

  «Элькуновидение» ужрад удмурт кырӟан яратӥсьёслы трос выль нимъёс усьтӥз. Тани, шуом, Глазов ёросысь Александр Леонтьевез ми азьло ик умой тодӥськомы ни вал, нош Юкаменскысь «Секвенция» ансамбль сярысь нырысьсэ кылӥм, элькун ужрадэ мыныны дасяськыкуз гинэ.

 

Жаляса верано, «Секвенцилэсь» кырӟамзэ-эктэмзэ телевидение ӧз возьматы. Нош жюри туж вылӥ дунъяз вал. Юкаменскъёс понна со туж ӝожмыт потӥз, ваньзы юн витизы уго. Озьы ке но, ансамбльлэн шулдыр кырӟамезтэк уг ортчы одӥг ёрос ужрад но, табере сое тодо но витё ини бускель ёросъёсын но.  

Эстрада кырӟанъя ансамбль кылдытэмын вал 2009-тӥ арын «Октябрьский» РДК-ын. Солэн кивалтӥсез но одӥгез кырӟасез луиз Культура юртысь аккомпаниатор Елена Ушакова. Соин артэ сцена вылысен калыкез шулдырто ӵош ужась эшъёсыз Лариса Сысоева но Людмила Романова. «Элькуновидение» ужрадын соослы юрттӥзы на РДК-ын ужасьёс Иван Метелёв но Наталья Антуганова. Элькун смотрын соос возьматӥзы «Арганчи» композициез. Кырӟанлэсь кылъёссэ гожтӥз Николай Бушмелев, нош гурзэ - Рафис Закиров. 

Ансамбльлэн данэз будэ но будэ. Кылем арын, шуом, соос Глазов ёросысь Пониноысь гуртоос азьын кырӟазы-эктӥзы, Глазовысь «Победа» КСК-ын люкаськемъёсты шулдыртӥзы… Выль ансамблез калык туж шуныт пумита, задор мылкыд кузьмамез понна тау каре.

Ӵемысь юало, маин герӟаськемын ансамбльлэн нимыз?

- Кылдыкумы, ним пумысен туж кема пуким-кенешим, - тодаз вае ансамбльлэн кивалтӥсез Елена Вячеславовна. – Дугдӥмы крезьгурен герӟаськемез вылын. Секвенция – со нимысьтыз крезьгуро амал, латин кылысь берыктыса, «цепочка», «последовательность» шуэм луэ. Жильыын сямен ик, ми но ог-огмес йылтӥськом.

Репертуарез туж узыр но пӧртэмлыко. Кышномуртъёс кырӟало эстрадной, лирической, военно-патриотической но авторской кырӟанъёсты. Марлы сӥземын концерт, солы ик тыршо тупаны. Со сяна, ансамбльлы луыса, сцена вылысен чузъясько удмурт но, ӟуч но, бигер но крезьгуръёс.

Нош ортчем арын «Секвенция» эстрада кырӟанъя ансамбль «Жемчужина Юкаменского района» ёрос премиен пусъемын вал.  

Чебер весьлэн ёзъёсыз

Нимысьтыз верам потэ ансамбльын кырӟасьёс сярысь. Лариса Леонидовна Сысоева кивалтэ «Рябинушка» ансамблен. Нош Людмила Нахильевна Романова Лулчеберетъя передвижной центрлэн кивалтӥсез луэ. Елена Вячеславовна Ушакова аккомпаниатор луэм сяна, ужа на Нылпи творчествоя юртын, калык инструментъёсъя ансамблез нуэ. Кылем арын пыриськизы «Вдохновение» но «Играем вместе» элькун конкурсъёсы, берпуметӥысьтыз 2-тӥ степенё лауреатъёс луыса бертӥзы. Кышномурт ачиз но пӧртэм крезьгур инструментъёсын шудэ. Фортепиано, домра, балалайка – таосыныз шудыны дышетӥзы вал Ижысь крезьгуръя училищеын, нош алигес Елена Вячеславовна йылпумъяз на УдГУ-ысь «Народное художественное творчество» отделенизэ. Татын со крезен шудыны дышетскиз. Йылпумъямез бере, дышетӥсезлэсь С. Кунгуровлэсь кык крезь басьтӥз. Табере соин шудыны ачиз дышетэ ини. Ар куспын дышетскисьёсыз Даниил Иванов  но Влад  Новиков трос пумо крезьгуръёс шудыны дышизы. Глазовын ортчись «Иднакар» смотрын Даниил 3-тӥ инты басьтӥз, нош Влад «За культуру звука» номинациын умоен пусъемын  вал. 

Сыӵе пӧртэм быгатонлыко но задор мылкыдо адямиос огазе вуиллям бере, паймонэз ик ӧвӧл, маиныз паймытэ но бордаз кыске «Секвенция» ансамбль! Сӥзем потэ, ансамбльлэн сюресэз паськытгес но паськытгес мед вӧлскоз!

Актуально
  • Глазовысь технической колледжын дасэтӥзэ ини ортчиз егит усточиослэн «Ингур» фестивальзы

    2008-тӥ арын, Глазовысь технической колледжысь Егитъёслэн центрзы кичӧлтэмъя, элькунын ялӥзы выль фестиваль. Пыриськыны мылкыд каремзэс ивортӥзы тросэз, шаерысьтымы даслэсь ятыр дышетсконниосысь коллективъёс соку вуизы Глазове. «Ингур» ваньмызлы туж яраз.

    13 Декабрь 2018

    Подробнее...

  • Шӧдэлэ-шӧдэлэ - зарни сюан вань!

    Глазов ёросысь ЗАГС-лэн «Почетные семьи» книгаез арлы быдэ узырме выль нимъёсын. Туэ отчы кинюртэмъёссэс кельтӥзы 20 кузпалъёс, семья кылдытэмзы дырысен 50 ар тырмонэз пусйисьёс.

    13 Декабрь 2018

    Подробнее...

  • Озьы мед луоз!

    Туж тунсыко ортчиз Удмурт кыллы сӥзем нунал Куреггурт школаын. Ӵукна школае пырыку ик, нуналлэн аспӧртэмлыкез шӧдӥськиз ини: чылкытлыкез чакласьёс (обслуживающий персонал) удмурт дӥсен «Ӟечбуресь!» шуыса пумитазы. Отын но татын ошылэмын умойзэ сӥзён кылъёс: «Чырткемесь!», «Таза мед луод!», «Шулдыр нуналэн!», арня нунал нимъёс, толэзь нимъёс удмурт кылын. Котькуд пиналлэн кыӵе ке но аслаз пусэз (отличительный знак) вал: кинлэн кунпусысь, кинлэн ке куншетысь басьтэм пусъёс.

    13 Декабрь 2018

    Подробнее...

  • Шуд, арган, шулдыр гурдэ, Корка пырон вуиз гуртэ!

    Коротайын ужаны кутскиз выль модульной ФАП. Выль эмъяськонни коротайёс понна - бадӟым шумпотон, ёрос понна но таӵе уж пусйымон луэ.

    30 Ноябрь 2018

    Подробнее...

  • Городэ, кунояны сяна, уг мыны!

    «Ёжевское» гурт поселение 14 гуртъёс пыро. Шор гуртэз. Ёжевоез сяна, кылемзэ ваньзэ пичи гуртъёс радэ пыртыны луэ. Соос пӧлын но эшшо пичиез вань на – Усть-Лем нимаське. «Отын коть можно улыны – сюрес дурын сылэ», - шуэ отӥ палъёсысь одӥг тодмомы.

    30 Ноябрь 2018

    Подробнее...

  • Нош пукомы ӝӧк сьӧрад

    Ноябрь толэзьлэн пумаз пусйиське бадӟым праздник – Анайлэн нуналыз. Ӵапак та нуналъёсы вордскемын анаймы Юлия Петровна Уракова. Ӝоген тани нош люкаськомы дораз – 28-тӥ шуркынмонэ солы тырмоз 85 арес.

    23 Ноябрь 2018

    Подробнее...

  • Ми - Зӧк Кебей выжыысь

    Казаньын улӥсь Валентина Хазиахметова таяз сӥзьылэ трос нуналъёс ини ортчытэ вордскем удмурт шаераз. Удмурт калыклэн дано пиезлэн Иосиф Алексеевич Наговицынлэн ӵыжы-выжыез луэ бере, со мыло-кыдо пыриське дано бӧлякмылэн вордскемез дырысен 130 ар тырмонлы но Удмуртилэн кунлык басьтэм нуналэзлы сӥзем ужрадъёсы. Валентина Серафимовна вуылӥз редакциямы но, пумиськон туж шуныт пӧрмиз. Бадӟым тунсыкен кылзӥмы куномес, нош дано бӧлякмы выльысь син азе пуксиз, матысь адями кадь луиз.

    02 Ноябрь 2018

    Подробнее...

  • Котькыӵе куазен почта вуэ

    Ваньмаз гуртъёсы вуылоно ке – витьтон вить иськем котыр луоз. Ворцаысь почтальонъёслэн Михаил Семёновлэн но Раиса Вершининалэн со нуналмысь ужзы.

    02 Ноябрь 2018

    Подробнее...

  • Руль сьӧрын - ӝыны даур

    Балезино ёросысь Люк гуртысь Пётр Наговицын, пенсие потыса но, яратоно уженыз ӧз люкиськы.

    26 Октябрь 2018

    Подробнее...

В рубрике
  • Удысъёссы паськытало

    Выль малпанъёсын кутскизы выль арез Карсовайысь чеберлыко киужъёсъя юртысь методистъёс. Котькудӥзлэн аспӧртэмлыко, паймытӥсь ужъёсыз.

    19 Январь 2018

    Подробнее...

  • Гуртлэн лулчеберетэз – калыклэн мылкыдыз вылын

    Коӵышысь «Сепычкар» музей нош пумитаз куноосты. Тодматӥз выль адӟытонэн, кудӥз сӥземын гуртлэн лулчеберетэзлы - солэн тунсыко но узыр историезлы. Совето Союз дыръя но со бере вакытэ гуртысь лулчеберетлэн азинскемез яркыт возьматэмын-усьтэмын Коӵышысь но Тат-Парзиысь клубъёслэн ужамзы, лулчеберет удысын лулысь-сюлмысь тыршем адямиослэн улон мылкыдзы пыр.

    22 Декабрь 2017

    Подробнее...

  • Мылкыдоесь но задоресь

    Кылем толэзе Красногорск ёросысь Курья гуртысь «Дом русской культуры» ужъюртлы 10 ар тырмиз. Кылдэмез дырысен ик соин кивалтэ Ольга Чернышова. Культура удысын солэн огъя ужамез 20 арлэсь уно ни.

    15 Декабрь 2017

    Подробнее...

  • «ДондыДор», воршуд но лэнд-арт

    Глазов ёросын азьланьтӥсько «ДондыДор» культурно-туристической парк кылдытон улсын ужрадъёс. Бадӟым ужез улонэ пыӵатон бордын мыло-кыдо тырше ёросысь Лулчеберетья но туризмъя центр. Проект гожтыса, кык пол ини грант басьтӥз. Кемалась ӧвӧл шумпотымон ивор вуиз: Президентлэн фондэзлэсь грант утӥллям.

    07 Декабрь 2017

    Подробнее...

  • Мае кизёд – сое ик аралод

    Удмурт Элькунлэн Данъян пул вылаз Лидия Петровна Михайловалэн нимыз пыртэмын. Со 20 ар ӵоже «Чупчи гуръёс» фольклоръя калык коллективен кивалтэ. Кырӟась, сям-йылолъёсты улӟытӥсь, со вань сюлмыныз шаерзэ гажа, калыкез понна сюлмаське.

    07 Декабрь 2017

    Подробнее...

  • Улон-вылон сярысь кырӟанъёс

    чузъяськозы 19-тӥ ноябре Штанигуртысь культурая юртын Александр Леонтьевлэн концертаз. Мар вите учкисьёсты таяз шулдыртонын, со сярысь вераськимы Александрен.

    16 Ноябрь 2017

    Подробнее...

  • Узырлэсь но узыр, ческытлэсь но ческыт

    Гудырикошкон толэзь узыр уно христиан праздникъёсын. Калыкын тужгес но тодмо куинь Спасъёс: Улмо, Чечы но Пушмульы. Ваньзы соос герӟаськемын Иисус Христослэн, Спасительлэн нимыныз, соин ик Спас шуыса нимасько.

    24 Август 2017

    Подробнее...

  • Вордскем нуналэныд, музей!

    Котькуд улосын вань сиё-дано интыос, кудъёсыныз туж данъясько улӥсьёс. Сыӵеос пӧлы пыре Юкаменск ёросысь Пышкет черкогуртысь музей но. Кемалась ӧвӧл со пусйиз 50 ар тырмонзэ.

    04 Май 2017

    Подробнее...

  • Матэктэ яратоно тулыс праздникмы – Паска. Удмуртъёс сое Великтэм но шуо на.

    Выль арлы сямен ик, солы дасяськон кема нуналъёс ӵоже кыстӥське. Кышномуртъёс коркаосазы утялско, потолокъёссэс мисько, ческыт конфет-печення, сиён-юон басьто… Воргоронъёслы одно ик пучы ваёно, соосты чебермано. Тодам лыкто пичи дыръёсы… Нунокъёссэ котыраз люкаса, дедмы, конфет бумагаосты карандаш вылэ биня но чебер сяськаос лэсьтэ вал. Пучы вайёс вылэ соосты думылыса, корка сэргы образ вылэ инъялляз - мед утёзы семьямес секыт адӟонлэсь, ыштонлэсь. Со сяськаос ар ӵоже горд сэргын но сениклэн кор вылаз улылӥзы - выльысь вуись Великтэмозь… Вужъёссэ вайёсты ву кузя лэзёно яке сутоно, озьы шуылӥзы мӧйыос.

    14 Апрель 2017

    Подробнее...

По теме

Самые читаемые

Предыдущие новости
Следующие новости
© 2012 г. Редакция газеты "Иднакар". Все права защищены.
Перепечатка материалов разрешается при обязательном указании ссылки на источник